Comun di Cjamin dal Tiliment

Ricercje svelte


< vai al contenuto centrale




Il tuo percorso: Tu ti cjatis chi: Comun di Cjamin dal Tiliment > Turisim > Ce si puedial viodi > il Borc dai Siôrs

il Borc dai Siôrs

palazzo
borc

Tal cjâf lûc di Cjamin dal Tiliment al è un borc di particolâr interès architetonic, clamât "Borc dai Siôrs", pe presince di palaçs che a partignivin a fameis sioris che a vevin terens tal teritori comunâl.

Il borc si disvilupe dilunc Vie Tiliment che al coleghe la aree centrâl di Cjamin dal Tiliment cul flum Tiliment; la struture urbane carateristiche e je chê dai borcs rurâi furlans: edificis fats sù dilunc la strade cun portons di jentrade che a dan su curtîi internis, cun rustics dedeâts ae ativitât agricule e al ort.

A son presints palaçs e fabricâts costruîts jenfri il XVI e il XIX sec. ben conservâts ancjemò in dì di vuê. Jenfri i palaçs di grant interès storic architetonic al è Palaç Minciotti, cuntune plante a "C" e l’atri di jentrade che al permet di jentrâ te cort interne.

Cun façade tripartide, e timpan curf, al è stât in origjine la cjase domenicâl dal Cincent dal Cont Anselmo Savorgnan, di chi al ven l'apelatîf di "Casa Savorgnana". Su cheste struture si sorepon il restaur realizât te seconde metât dal '600 dai CONTS DI MONTEGNÀ.

Ae fin dal ’700 Gregorio Minciotti al compre il PALAÇ DAI MONTEGNÀ.

Recents restaurs a àn puartât ae lûs i ornaments orjiginâi e e je stade ripristinade la pavimentazion venite antighe intune sale.