Comun di Cjamin dal Tiliment

Ricercje svelte


< vai al contenuto centrale




Il tuo percorso: Tu ti cjatis chi: Comun di Cjamin dal Tiliment > Turisim > Ce si puedial viodi > Plêf

Plêf e la sô Glesie

la chiesa

Il piçul insediament di Plêf, a sud ovest dal cjâf lûc e dongje de rive a çampe dal flum Tiliment, si è disvilupât atôr de omonime Glesie di Sante Marie di Plêf, la prime glesie fate sù in chest teritori dai fraris di Sesto al Reghena.

Une volte, il teritori al jere fat di boscam cun dongje palûts; Plêf si cjatave dongje di une beorcje impuartante formade di dôs stradis romanis: Crescenzia, che di Tisane e passave par Belgrât-Plêf-Codroip e Flaminia, o Augusta, che di Concuardie e passave par Sest-Plêf-Codroip.

Plêf, stant che si cjatave sul bivort dal Tiliment, al è stât un dai lûc plui adats pe realizazion di un vât indulà scjavaçâ il flum.

Il borc al à carateristichis interessantis sot l'aspiet ambientâl e dal paisaç, ma par sigûr l'element di maiôr valôr dal nucli insediatîf.
La glesie di Plêf e je la risultive des trasformazions architetonichis fatis jenfri la metât dal ’600 e i prins dal ’700.

Tai secui, la Glesie e à subît cetantis traversiis: aluvions disastrosis, invasions di Barbars, spoliazions (chê di Napoleon le à lassade cence di cuasi dut l'aur sacri), e ancjemò fûcs, robariis, venditis dal patrimoni imprudentis sedi tai timps passâts che in timps avonde recents.

L’edifici si insiore di doi portâi e di un lavabo, opare di piere che si pues in maniere aprossimade meti dentri te produzion di Pilacorte; jenfri lis oparis di piture a meretin une atenzion particolâr la pale di S. Antonio, di Lucilio Candido (1676), chê dal altâr des Animis (1684) e la pale di S.Gotart.

Di ricuardâ ancje dôs telis dal Sietcent, restauradis di pôc, metudis tes parêts laterâls dal côr, che a rapresentin la Crocifission e la Madone cun Frut e i Sants.