Comun di Cjamin dal Tiliment

Ricercje svelte


< vai al contenuto centrale




Guriz e la vile Colorêt - Mels

Guriz al è un borc fat sù ator de vile Colorêt - Mels (cumò Mainardi - Bianchi) e al à aspiets di architeture e dal paisaç di particolâr sugjestion e di interès ancjemò origjinâi.

villa col
chiesa

La vile si caraterize tant che une massice costruzion residenziâl, dongje di doi stabii di pertinence, cu la façade principâl indreçade a nord che si riflet intun cors di aghe e si vierç suntun prât vert une vore grant, sierât di un bas muret a semicercli fat di claps.

La façade a nord e à une loze elegante a trifora, in piere; al centri de serliana, la vierzidure plui alte dal arc, e je sormontade di un piçul timpan. I alts barcons di forme retangolâr, ben evidents, che si vierzin sul prospet, a àn ricuadris in piere. La façade daûr, cun motîfs ornamentâi plui sempliçs, a cjale suntun une vore grant parc, indulà che al è cualchi cuarp rustic minôr.

I doi grancj edificis, simetrics, a son in linie cul cuarp principâl, ancje se a son un pôc  lontanis di chest; chestis a contribuissin a creâ "une vierzidure publiche" imponente, che e ven ancjemò di plui sotlineade de grandece dal prât denant e muret bas.

Sul flanc nord de strade si cjate la gleseute di Guriz dedeade a S.Canzian, che fo fate sù tal Cuatricent (ma lis olmis a son plui antighis, di fat, cuant che, tal 1349, i Conts Colloredo - Mels "a comprin Guriz", e jere bielzà une gleseute sot de Plêf di Codroip).

angeli

Te gleseute a son stâts fats intervents di restaur tal cors dal ’600 e dal ’700. L'edifici si caraterize par jessi cence une jentrade, al à une aule retangolâr, cun trâfs a viste e un côr cuadrât, cuntune volte scliçade, a crosere, indulà che a son rapresentâts "I Cuatri Evangjeliscj". La gleseute e je cenglade di un cimitieri piçul, sierât di un muret di claps.

Sot l’aspiet dal paisaç e je une vore preseose l'aree che e je a sud de vile indulà che a si cjatin rôi secolârs, che a rapresentin un esempli maraveôs di chel che al podeve jessi il paisaç prime de agriculture intensive.