Comun di Cjamin dal Tiliment

Ricercje svelte


< vai al contenuto centrale




Il Mulin e i Rustics di Glaunic

morson
chiesa san tommaso

Te localitât di Glaunic si à di segnalâ cualchi edifici di particolâr interès dal pont di viste storic e dal paisaç jenfri chescj il mulin di Glaunic, che si cjate intun contest paisagjistic di grant valôr, cu lis palis di fier sul flum Var.

Il mulin al à continuât a masanâ fintremai al 1967 par deventâ po dopo un ristorant, pont di riferiment par chei che a àn voie di gustâ i savôrs autentics dal teritori.

Di un puintut sul Var si rive a Glaunic, cun edificis di claps metûts dilunc une strade intorteade, e la antighe gleseute di S.Tomâs, cul cjampanili tal mieç de façade e cu lis scjalis di len che si viodin di fûr, cenglade dal cimitieri.

La campagne di Glaunic e je siore di cjasâi, jenfri chescj al risalte il Cjasâl di Morson, pe trame des muraduris di claps e di modons; di recent al è stât restaurât tal rispiet de tradizion architetoniche locâl, e cumò al è un agriturisim fat sù intune atmosfere di cjamp une vore sugjestive.