Comun di Cjamin dal Tiliment

Ricercje svelte


< vai al contenuto centrale




Il tuo percorso: Tu ti cjatis chi: Comun di Cjamin dal Tiliment > Turisim > Ce si puedial viodi > Bugnins e lis roiis

Bugnins e lis roiis

bugnis

Dongje dal flum Tiliment, e tal mieç di cetantis roiis, si viôt il borc rurâl di Bugnins, sogjet tal timp a tantis trasformazions causionadis di continuis aluvions.
Di recent, culì e je vignude a lûs une vere e proprie necropoli, che e va indaûr ae ete dal fier.

roggia

O podìn rivâ a dicerni la presince di doi borcs, che si cjatin ancjemò in dì di vuê: Bugnins gnûf e Bugnins vecjo; il prin si cjate dulinvie la strade che di Cjamin a puarte a Belgrât, e al è fat di une curtine di edificis che a son te bande ovest de roie di Bugnins, chel altri invezit si caraterize par vê un nucli isolât, cun pocjis cjasis propite tacadis al ripâr dal flum Tiliment.

Di grant valôr e je la aree che si cjate ai flancs de roie di Bugnins, il plui impuartant afluent dal flum Var; dilunc la rive de roie al è ubicât l'edifici de latarie, che un timp al funzionave in gracie de ruede metude in vore de aghe de roie stesse.