Comun di Cjamin dal Tiliment

Ricercje svelte


< vai al contenuto centrale




Il tuo percorso: Tu ti cjatis chi: Comun di Cjamin dal Tiliment > Il Paîs > Il Paîs
foto
foto
foto

Il comun di Cjamin dal Tiliment si cjate sul ôr a çampe dal Tiliment, al confin inferiôr de Planure dal Friûl di Mieç li de "linie des Risultivis", indulà che i arzins dal flum a van jù fin a disparî.

Cjamin dal Tiliment al confine a nord e a soreli jevât cul Comun di Codroip, a sud cun Vildivar e a soreli a mont cun S.Vît dal Tiliment.

Al à une superficie di 2.260 etars e al à une popolazion di 1.700 abitants sù par jù par une densitât di 75 abitants/Kmq.

Al è in plan, si cjate sù par jù a 34 metris parsore il nivel dal mâr e al cjape dentri lis frazions di Sanvidot, Glaunic, Guriz, Plêf, Bugnins e Stracis.

Nol à, in dì di vuê, as stradâi di Vignesie di impuartance particolâr, l’unic colegament di rilevance cu lis areis ator al è la strade Provinciâl dal Var; duncje, il teritori di Cjamin al è margjinâl rispiet ai grancj flus di trafic e di disvilup.

Il teritori di Cjamin dal Tiliment al è pardabon siôr di sorpresis plasevulis: al samee di calâsi, in cualchi maniere, tal Friûl plui vêr, tornant indaûr tal timp almancul di cualchi decine di agns.

Traviersât dai flums il Tiliment e il Var, chest ultin cetant cjar al scritôr Ippolito Nievo, il teritori di Cjamin al à une campagne ancjemò intate, cun luncs filârs di arbui, borcs, cjasâi e vilis rustichis che a rindin Cjamin une localitât ideâl par chei che a vuelin passâ lis feriis o cualchi ore in pâs.

La posizion di Cjamin dal Tiliment al permet di visitâ, no dome i borcs, lis vilis e lis bielecis naturâls che si cjatin culì, ma ancje altris lûcs, une vore inmagants, che a son dongje, come il Parc des Risultivis, interessant pal fenomen tipic, ven a stâi, il spissulâ di aghe nete dal teren e la straordenarie e imponente Vile Manin di Passarian, residence dal ultin Dôs di Vignesie, cumò sede di mostris prestigjosis e di iniziativis culturâls internazionâls, che si cjate a pôcs chilometris di distance di Cjamin dal Tiliment.

In struc i Dâts Gjenerâi di Cjamin dal Tiliment

  • Estension: 2.260 etars
  • Popolazion residente: 1.700 personis
  • Densitât: 75 abitants/Kmq
  • Numar des frazions: 6
  • Altitudin: (metris parsore il nivel dal mâr) 34

Frazions

II Comun di Cjamin dal Tiliment al cjape dentri i paîs di:

  • Cjamin
  • Stracis (al à fat un zimulament cun Stracis di Gurize)
  • Sanvidot
  • Glaunic
  • Guriz
  • Plêf
  • Bugnins