Comun di Cjamin dal Tiliment

Ricercje svelte


< vai al contenuto centrale




Il tuo percorso: Tu ti cjatis chi: Comun di Cjamin dal Tiliment > Il Paîs > Paisaç agricul

Paisaç Agricul

II paisaç agricul al è l'element che plui al caraterize il teritori di Cjamin dal Tiliment.

Ancjemò tal dì di vuê, a dispiet dai mudaments leâts aes ativitâts agriculis, la campagne e je siore di filârs, di arbui e di boscuts che, soredut tal periodi di Vierte, a dan al teritori l’aspiet di un grant parc naturâl.

Dentri dal paisaç agricul al è presint un sisteme slargjât di nucleics e borcs rurâi, cuntune maie fite di percors stradâi,cualchidune di chestis e à une origjine antighe.
L’aspiet dal paisaç si è fondât su la maie des comunitâts piçulis, contrassegnadis di fossâi cun cetante aghe, di filârs di arbui e di plui culturis, tal dì di vuê par la plui part sostituidis di coltivazions intensivis e in particolâr di vîts, che si slungjin fin là che si rive a viodi tal teritori indulà che si produsin vins ros des gravis.  Dispès si cjatin cjasis o cjasâi cui carateristics mûrs di clap, esemplis ancjemò intats de architeturis rurâls, indulà che a son evidents i segns di une culture contadine aromai passade.

mulino

Cualchidun di chescj cjasâi al è stât voltât in agriturisim e cualchidun al vent i prodots tipics dal puest; culì, al è pussibil fermâsi par polsâ e par comprâ prodots dal lûc, e mangjâ plats tipics e bevi un tai di bon vin. 

A restin, duncje, ancjemò tal dì di vuê, tocs di chel che al è stât il passaç agricul dal passât, par esempli i rôi secolârs e i boscuts che a àn di jessi mantignûts par intîr tal lôr stât naturâl. La campagne e je traviersade di rois e di canâi di risultive, cuntune vegjetazion fisse ai flancs. In particolâr, il flum Var al travierse cun slambris sugjestîfs il centri di Cjamin dal Tiliment e la frazion di Glaunic, che si caraterize pe presince dal mulin e de latarie.

De dolcece di no crodi dal paisaç agricul indulà che a saltin fûr i profîi dai borcs, si passe ae ruspidece dal glereâl di claps e di cogui dal flum Tiliment, che al caraterize la part a soreli a mont dal teritori di Cjamin dal Tiliment.

Di fat, des stradis dai centris abitâts si jentre te aree interne dal ripâr dal flum Tiliment indulà che si passe di zonis coltivadis a areis vivarosis di vegjetazion, fin al glereâl dal flum, un grant spazi di claps, taiât di piçui cors di aghe, che al mude, durant il timp des ploiis, intune grande largjure di aghe.

Un paisaç di scuvierzi, indulà che il cidin si zonte ae maravee e ae riflession.

campagna
tagliamento